Anandi Jivanache Rahasya
जीवन खूप छोटे आहे आपण जीवनात हे करायला हवे ते करायला हवे! असे तसे ह्या गोष्टी न सांगता मी तुम्हाला जीवनाविषयी काही महान लेखकांचे मत काय आहेत आणि त्यांनी जीवनाविषयी घेतलेल्या अनुभवावरून मी तुम्हाला ह्याविषयी सांगणार आहे.
चला तर जाणून घेऊ त्या गोष्टी ज्या जीवन जगतांना आपल्या उपयोगी येतील आणि आयुष्य सोपे होण्यास मदत होईल. 
जीवनाला सुंदर आणि आनंदात जगायचे मग वाचा ह्या 10 टिप्स – Tips for Happy Life in Marathi
१) आरोग्य – Health:
“आरोग्य हीच खरी संपत्ती” ह्या बद्दल तर तुम्ही वाचलेच असेल. जसे एखाद्या वाहनामध्ये इंधन नसेल तर ती गाडी पुढे चालत नाही त्या प्रमाणे माणसाच्या जीवनात सुद्धा आरोग्य हे इंधनासारखे काम करते, जर आपले आरोग्य ठीक आहे तर जीवनात आपण कोणतीही गोष्ट् साध्य करू शकतो.
२) परिवार – Family:
या लेखात परिवाराला या साठी जास्त महत्व दिल्या गेले आहे कारण जीवनात परिवार हि खूप महत्वाची गोष्ट आहे, आपल्याला त्या व्यक्ती चांगल्या प्रकारे ओळखतच नाहीत, तर आपली काळजी स्वतःपेक्षा जास्त करतात. संकटकाळी कोणतीही मदत करायला हजर असतात. बरेच लोक असे आहेत या जगात ज्यांना परिवारच नाही म्हणून जीवन जगताना परिवाराला जास्त महत्व द्या.
३) स्वतःचा विकास – Self-development:
आयुष्य हि आपल्याला मिळालेली एक भेट आहे. आणि हि आपली जबाबदारी आहे कि तिला किती चांगल बनवायचं. आणि कस जगायचं! जीवनात स्वतःच्या विकासासाठी आपल्यामध्ये असलेल्या कला गुणांवर भर द्या. आपल्याला आवडणाऱ्या गोष्टीमध्ये रस घ्या! नेहमी काहीतरी नवीन शिकत राहण्याचे प्रयत्न करत रहा.
४) मित्र – Friends:
अस म्हटल्या जात कि आपण आपला परिवार स्वतः निवडू शकत नाही पण तेच आपण आपले मित्र निवडू शकतो. जीवनात प्रत्येकाला मित्र नाही म्हणू शकत पण जो व्यक्ती तुमच्या संकटकाळी मदतीला एका हाकेत धावून येतो त्याला तुम्ही नक्कीच मित्र म्हणू शकता. जर अशे मित्र तुमच्या जीवनात आहेत तर तुम्ही खूप भाग्यवान व्यक्ती आहे.
५) शांतता – Peace:
शांततेमुळे तुम्ही तुमच्या भावनांना, तणावाला आणि तुमच्या वैयक्तिक संबंधांना व्यवास्थित ठेवू शकता. शांतता हि तुम्हाला तुमचा आत्मविश्वास वाढवण्यास मदत करते. बरेचदा जीवनात काही अश्या परिस्थितींना सामारे जावे लागते ज्यामध्ये माणसाला समजत नाही, आता करावे तरी काय ? तर मी तुम्हाला अश्या परिस्थिती मध्ये शांत राहण्याचे सुचवेल. कारण प्रत्येक परिस्थिती हि काही वेळे पुरतीच मर्यादित असते आणि आपण जर थोडा संयम राखला तर आपण त्या परिस्थितीवर मात करू शकतो.
६) अन्न, हवा, पाणी आणि झोप – Food, air, water and sleep:
जीवन जगतांना आपल्याला जिवंत राहण्यासाठी ह्या चार गोष्टी खूप मह्वाच्या आहेत. जर आपण ह्यापैकी कोणतीही एक गोष्ट टाळली तर आपले आरोग्य धोक्यात येऊ शकते. म्हणून जीवनात या सगळ्या मौल्यवान गोष्टींचा समतोल राखणे खूप महत्वाचे आहे.
७) लक्ष्य – GOAL:
तुम्हाला जायचे कुठे, हे जर नक्की माहित असेल, तर तुम्ही त्या रस्त्याने खूप सोप्या पद्धतीने वाटचाल करू शकता. तसेच जीवनातही आहे. जर तुम्ही तुमचे लक्ष्य ठरवून जीवन जगता तेव्हा तुमच्या जगण्याला एक वेगळेच महत्व येते. हे लक्ष्य तुम्हाला नेहमी जगण्याची प्रेरणा देत असते, त्यासाठी जीवन जगतांना आपले लक्ष्य ठरवूनच जीवन जगण्याचा प्रयत्न करा.
८) चुकांपासून शिका – Learn from mistakes
“चूक केल्याशिवाय माणूस शिकत नाही,”
“अपयश हि यशाची पहिली पायरी आहे,”
अश्या बऱ्याच गोष्टी माणूस जीवन जगतांना ऐकत असतो, हो बरोबरच आहे कि! कारण चुका झाल्याच नाही तर माणूस नवीन काही शिकूच शकणार नाही! आजपर्यंत जे ही नवीन शोध लागले ते काही एका प्रयत्नात लागलेले नाही, त्यामागे वैज्ञानिकांची अफाट मेहनत तसेच कष्ट आहेत आणि त्यांच्या हातून चुका सुद्धा झाल्या. पण एवढच आहे कि, ते त्या झालेल्या चुकांपासून नेहमी काहीतरी शिकत राहिले.
जीवनातही हजार चुका करा पण लक्ष ठेवा एकच चूक हजार वेळा होता कामा नये. आणि त्या झालेल्या चुकांपासून नेहमी शिकत रहा.
९) दृष्टीकोन बदला – Change perspective:
बरेचदा आपल्याला असे वाटते कि परिस्थिती आपल्या विरोधात जात आहे. आणि आपण त्या विषयी नकारात्मक विचार करायला सुरुवात करतो, पण त्याच वेळेस जीवनाबद्दल आपला दृष्टीकोन बदला आणि सकारात्मक विचार करायाला सुरुवात करा. जसे जीवनात जे पण होते ते चांगल्या साठीच होते. जीवनाविषयी आपला दृष्टीकोन नेहमी सकारात्मक ठेवा, जेणेकरून जीवनातील प्रत्येक परिस्थितीवर आपण मात करू शकू.
१०) आनंदाने जीवन जगा – Happy Life
माहित आहे! पृथ्वीवर बरेचशे जीव आहेत पण सगळ्यात वेगळा जीव म्हणजे माणूस आहे. कारण मानवाला विचार करण्याची क्षमता लाभलेली आहे, त्यामुळे माणसाचा मेंदू हा मानवाचे वेगळेपण सिध्द करते. जीवन हे एकदाच मिळते म्हणून याला आनंदात जगा. ज्याप्रमाणे आपण एखादा खेळ खेळतो त्याप्रमाणे जीवनाला सुद्धा एक खेळ समजून या खेळात मग्न होऊन या खेळाचा आनंद घ्या. जीवन आणखी सोपे होईल.
“जिंदगी ना मिलेगी दोबारा”
मित्रहो!
जीवन पुन्हा मिळत नाही. म्हणून याचा आनंद आता आणि याच क्षणाला घ्या ! या लेखामध्ये सांगितलेल्या टिप्स जर आपण आपल्या जीवनात लागू केल्या तर आपले जीवन आणखी खूप सुंदर होईल. आणि जीवन जगण्याची एक नवी उम्मेद तशीच प्रेरणा मिळेल.
जर आपल्याला हा लेख आवडला तर आपल्या मित्र आणि परिवारांमध्ये याला शेयर करा. आणि अश्याच नवीन लेखांसाठी आमच्याशी कनेक्ट रहा.
Thank You!
