Kavat Fruit in Marathi
निसर्गात अनेक मोठ्या झाडांपैकी एक झाड म्हणजे कवठ होय.निसर्गात औषधी युक्त मोठे झाड म्हणजे कवठ होय. जुन्या काळापासून तर आजही बऱ्याच खेडेगावात या फळाचा आवडीने उपयोग केला जातो. शहरात मात्र हे फळ थोडे दिसेनासे झाले असले तरी आयुर्वेदात याचा आजही फार मोठा वाटा आहे कारण कवठ हे औषधी फळ म्हणून ओळखले जाते. बरीच लोक याचा गर वाळवून त्यात मध मिसळूनही खातात.
कवठ फळाची संपूर्ण माहिती – Wood Apple in Marathi
| हिंदी नाव: | कबिट |
| इंग्रजी नाव: | Wood Apple |
कवठाचा औषधी उपयोग – Benefits of Wood Apple
- कच्च्या कवठाचा उपयोग अतिसार व जुलाब कमी होण्यासाठी होतो.
- पिकलेल्या कवठाचे चूर्ण अजीर्णावर वापरतात.
- तसेच आयुर्वेदात पंचकपिया, कपिया अष्टक ही औषधे या झाडापासून बनवितात.
- कवठाचा पाला व फळ पित्तशामक असते.
- गांधीलमाशी. गोम किवा विचू चावल्यास त्यावर कवठाचा गर लावल्यास वेदना कमी होतात.
- कवठाच्या पानांचे तेल औषधी असते.
- अंगावर पित्त उठले तर कवठाच्या पानांचा रस लावल्याने आराम मिळतो .
- कवठ कच्चे खळे तर सर्दी, खोकला, डोकेदुखी यावर गुणकारी आहे
कवठ फळाची झाडाची माहिती – Wood Apple Tree
या झाडाची उंची साधारणपणे ४० ते ५० फूट उंच असते. पानांचा रंग पांढरट हिरवागार असतो. झाडाला टोकदार काटे असतात. याचे आवरण खूप कठीण असते. याची झाडे सर्व देशांत आढळतात.
लागवड –
कवठाचे झाड मध्यम कोरडे तसेच कोरड्या हवामानात पण वाढू शकते. कवठाच्या स्वतंत्र बागा नसतात. या झाडाच्या लागवडीसाठी क्षारयुक्त जमीनसुध्दा चालते. या झाडांच्या बिया पेरल्यापासून रोपे उगवण्यासाठी १५ ते २० दिवसांचा कालावधी लागतो. कवठाच्या झाडाची वाढ हळूहळू होते. लागवडीनंतर ६-७ वर्षानी फळे येतात, तर कलम केलेल्या झाडांना ३ वर्षांनी फळ येते. या झाडाचे फूल पांढरे व सुवासिक असते.
फळे – Fruits
कवठाच्या फळांचा हंगाम दसऱ्यापासून पाडव्यापर्यंत चालू राहतो. एका झाडाला २०० ते २५० फळे येतात. हे फळ गोलाकार व कठीण कवचाचे असते. फळात पिवळसर बदामी गर असतो. त्यात बिया रुतून बसलेल्या असतात.
इतर माहिती – Other Information
कवठाच्या झाडाचे कितीतरी उपयोग आहेत, या झाडापासून डिंक मिळतो, पाने व बियांपासून सुगंधी द्रव्ये तयार करतात. या झाडाचे लाकूड टणक व कठीण असते, याचा उपयोग इमारती व शेतीची अवजारे इ. साठी, तसेच जळण म्हणून होती, पूर्ण पिकलेल्या फळांतील बी लगेच पेरणीसाठी वापरतात, जास्त जुने बी लागवडीयोग्य राहत नाही. या झाडाची लागवड योग्य प्रकारे केली तर याच्या फळांचा उपयोग विक्रीसाठी करता येतो. कमी खर्चात अधिक लाभ देणारे हे झाड आहे
कवठ बद्दल काही प्रश्न – Wood Apple Qize
उत्तर: फुलांचा हंगाम फेब्रुवारी-एप्रिल त्यानंतर २-३ महिन्यांनंतर म्हणजेच दसरा सणापासून ते पडावा या सनापर्यंत हे फळ तुम्हाला पाहायला मिळतात. घनकवची (कठिण सालीचे फळ) मृदुफळ पाच ते सात सेंमी. व्यासाचे मोठे, गोल, कठिण व करड्या रंगाचे फळ असते.
उत्तर: झाडातून मिळणारा डिंक अर्धपारदर्शक व थोडासा तांबूस भुरा असतो. त्यापासून चित्रकारासाठी जलरंग व इतर रंग तयार करता येतात.
उत्तर: हे लाकूड मजबूत व कठीण असल्याने याचा उपयोग घर बाधनी, तेलाचे घाणे, शेतीचे अवजारे इत्यादी साठी उपयोग होतो.
उत्तर: फेरोनिया एलेफंटम