Eknath Shinde Mahiti
महाराष्ट्रातील राजकारणात अतिशय महत्वाचा मानला जाणारा पक्ष म्हणजे शिवसेना..!
शिवसेना पक्षाने अनेक सामान्य कार्यकर्त्यांना राजकारणात संधी देऊन विधिमंडळ, विधान परिषद आणि संसदेपर्यंत पाठविले. त्यातील अनेकजण मंत्रिपदापर्यंतही पोचले.
शिवसेनेत आज बाळासाहेब ठाकरे आणि उद्धव ठाकरे यांच्यानंतर आदराने घेतले जाणारे नाव म्हणजे एकनाथ शिंदे.
श्री. एकनाथ शिंदे यांची माहिती – Eknath Shinde Information in Marathi
| पूर्ण नाव | एकनाथ संभाजी शिंदे |
| जन्म | 9 फेब्रुवारी 1964 (महाराष्ट्र) |
| पक्ष | शिवसेना |
| मतदारसंघ | कोपरी पाचपाखडी, ठाणे, महाराष्ट्र |
| पत्नीचे नाव | लता एकनाथ शिंदे |
एकनाथ संभाजी शिंदे माहिती – Eknath Shinde Biography in Marathi
एकनाथ शिंदे यांचा जन्म 9 फेब्रुवारी 1964 ला झाला. सातारा जिल्ह्यातील महाबळेश्वर तालुक्यातील दरे हे एकनाथ शिंदे यांचे मूळ गाव.
मात्र त्यांचे बालपण ठाणे शहरात गेले आणि राजकीय कारकिर्दीची सुरुवातही ठाण्यातच झाली.
घरच्या गरीब परिस्थितीमुळे त्यांना शिक्षण अर्धवट सोडावे लागले.
कुटुंबाचा गाडा चालविण्यासाठी शिक्षण सोडून ते एका मासळी विकणाऱ्या कंपनीत काम करू लागले. पण हवी तशी मिळकत न मिळाल्यामुळे त्यांनी ती नौकरी सोडली व प्रवासी रिक्षा चालवण्याचे काम ते करू लागले.
70 च्या दशकात बाळासाहेब ठाकरेंच्या वक्तृत्वाने अनेक युवक शिवसेनेशी जोडले गेले. त्याचवेळी ठाण्याचे आनंद दिघे शिवसेनेशी जुळले. त्यावेळी आनंद दिघेंच्या नेतृत्वात ठाण्यामध्ये शिवसेनेचे काम अगदी जोमात होते.
80 च्या दशकात एकनाथ शिंदें हे आनंद दिघे यांच्या संपर्कात आले आणि तेव्हापासून त्यांच्या आयुष्याला राजकीय वळण भेटले.
ठाण्यात आनंद दिघेंच्या नेतृत्वात एकनाथ शिंदेनी अनेक आंदोलनात सहभाग घेतला.
महाराष्ट्र-कर्नाटक सीमेच्या आंदोलनात तर पोलिसांच्या लाठीमारासह त्यांनी कारावासही भोगला.
ठाण्यातील शिवसेनेच्या प्रत्येकच आंदोलनात समोर असणाऱ्या एकनाथ शिंदे यांच्या कामामुळे आनंद दिघे फार प्रभावित झाले.
त्यांनी एकनाथ शिंदे यांना ठाण्यातील किसन नगरचे शाखाप्रमुख केले.
About Eknath Shinde
1997 मध्ये दिघेंनी त्यांना ठाणे महानगरपालिका निवडणुकीचे तिकीट दिले. या निवडणुकीत ते बहुमतांनी शिवसेनेचे नगरसेवक म्हणून विजयी झाले. पुढे ते ठाणे महानगरपालिकेच्या सभागृहाचे नेतेही झाले.
त्यानंतर मात्र शिंदे यांनी कधीच मागे वळून पहिले नाही. ते राजकारणात वरची पायरी चढतच गेले.
2004 साली ठाणे विधानसभेचे तिकीट त्यांना मिळाले. पहिल्याच विधानसभा निवडणुकीत ते निवडून आले.
त्यानंतर ठाण्यातील कोपरी पाचपाखाडी मतदार संघातून 2009, 2014, 2019 ची निवडणूक जिंकून, सलग चार वेळा ते विधानसभेवर निवडून गेले.
यादरम्यान ते 2014 साली 14 दिवसांसाठी शिवसेनेचे गटनेतेही झाले होते. 2015 ते 2019 मध्ये भाजप-शिवसेनेच्या युती सरकारमध्ये त्यांच्याकडे सार्वजनिक बांधकाम मंत्री म्हणून जबाबदारी देण्यात आली होती.
2019 च्या विधानसभा निवडणुकीनंतर मुख्यमंत्री पदाच्या वादावरून भाजप-शिवसेना युती तुटली आणि त्यावेळी एक नवीन पर्याय समोर आला, ‘महाविकास आघाडी’.
यामध्ये शिवसेना, राष्ट्रवादी कॉंग्रेस आणि कॉंग्रेस या तीन पक्षांनी मिळून महाराष्ट्रात सरकार बनविले.
मुख्यमंत्री म्हणून शिवसेना प्रमुख उद्धव ठाकरे यांची नेमणूक करण्यात आली.
महाविकास आघाडीच्या मंत्रिमंडळात त्यांना नगरविकास मंत्री म्हणून पद देण्यात आले.
प्रचंड मेहनत, चिकाटी, पक्षसंघटन, कार्यकर्त्यांशी संवाद, बैठका आणि जनतेच्या प्रश्नांवर विचारमंथन करून त्यांचा निपटारा करणे ह्या एकनाथ शिंदे यांच्या जमेच्या बाजू राहिल्या आहेत.
याबरोबरच कितीही अडचणीचा, संकटांचा सामना करून पुढे जात राहणं हि एक त्यांची वेगळी ओळख आहे.
शिक्षण अपूर्ण राहिल्याचे शल्य त्यांना नेहमीच बोचत राहिले त्यामुळे मंत्री असतांना त्यांनी वयाच्या 56व्या वर्षी ठाण्यातील ज्ञानसाधना महाविद्यालयातून पदवीचे शिक्षण पूर्ण केले. या माध्यमातून त्यांनी इतर काही अशिशिक्षित किंवा कमी शिकलेल्या मंत्र्यांसाठी हा एक आदर्शच ठेवला.
आनंद दिघे यांच्यानंतर ठाण्यातीलच नव्हे तर नाशिक पर्यंत त्यांनी शिवसेनेचे जाळे विणले.
आनंद दिघेंना ते आपले गुरु मानत असत. आजही त्यांच्या राजकीय यशाचे श्रेय ते आनंद दिघेंना देतात.
श्री. एकनाथ शिंदे यांच्याबद्दल विचारले जाणारे प्रश्न – FAQ About Eknath Shinde
उत्तर: शिवसेना.
उत्तर: 1997 साली. ठाणे महानगरपालिका.
उत्तर: 2004 साली. ठाणे मतदारसंघ.
उत्तर: सलग चार वेळा.
उत्तर: दिवंगत आनंद दिघे यांना.
महाराष्ट्राचे मुख्यमंत्री एकनाथ शिंदे साहेबांचे सर्वात आधी अभिनंदन सामान्य पासून आज ते मुख्यमंत्री झालेले आहेत खूप म्हणजे खूपच एक वेगळी व्यक्तिमत्व असलेली व्यक्ती आहेत कष्ट सोबत प्रामाणिकपणे आपलं जे काम आहे ते आपण करत राहायला पाहिजे असं त्यांच्याकडून आपल्याला शिकता येईल मागील एक वर्षापासून सतत ते कार्य करतायेत काम करतायेत मला आठवतंय काही बातम्यांमध्ये मी पाहिलेला आहे गणपतीच्या पूजेला त्यांना जे कोणी बोलत आहे एखादा कार्यकर्ता वगैरे ते पहाटे दोन तीन चार ला सुद्धा पूजा केलेली आहेत सामान्य लोकां बरोबर ते नेहमी असतात कुठे काही घटना घडल्यास ते तात्काळ व्हिडिओ कॉल द्वारे सुद्धा माहिती घेतात त्यांच्याशी बोलतात हा सर्वात मोठा गुण आहे कारण माणसं मोठे झाले की सर्व काही विसरत असतात पण शिंदे साहेबांनी खूपच चांगल्या पद्धतीने लोकांमध्ये राहून लोकांसाठी महाराष्ट्रासाठी चांगले कार्य करत आहेत महत्त्वाचे मागील महिन्यातला उदाहरण ते डोंगरा भागात एक तास चालून ते पावसामध्ये प्रत्यक्ष जाऊन पाहणी करून मदत केली त्याबद्दल त्यांचे कौतुक करावा तेवढे कमी आहे माणसं मोठी झाली की त्यातल्या त्यात एवढे मोठे व्यक्ती म्हणून सुद्धा ते कधीही स्वतःला मोठे न समजता सामानाच्या गरजा ओळखून त्यांना मदत करण्यासाठी कार्य करत असतात अशा व्यक्तीबद्दल अजून भरपूर सांगायचं आहे अशा व्यक्तीला सलाम आणि भविष्यासाठी त्यांना खूप खूप शुभेच्छा आणि आपला महाराष्ट्र राज्य तसेच भारत देश विकासाच्या दृष्टिकोनातून असेच प्रगती पदावर राहावे हीच इच्छा